თბილისისა და ბათუმის იუსტიციის სახლები მომხმარებელს შაბათ-კვირას - 10:00-დან 17:00 საათამდე მიიღებენ, ხოლო ქუთაისის იუსტიციის სახლი მხოლოდ შაბათს - 10:00-დან 17:00 საათამდე იმუშავებს.
დაჩქარებული წესით (იმავე დღეს) გაიცემა:
- საქართველოს მოქალაქის პასპორტი;
- საქართველოში სტატუსის მქონე მოქალაქეობის არმქონე პირის სამგზავრო პასპორტი;
- ჰუმანიტარული სტატუსის მქონე პირის სამგზავრო პასპორტი;
- ლტოლვილის სტატუსის მქონე პირის სამგზავრო დოკუმენტი;
- პირადობის მოწმობა;
- დროებითი და მუდმივი ბინადრობის მოწმობა;
- უცხოეთში მცხოვრები თანამემალუმულის მოწმობა;
- საინფორმაცია ბარათი;
- მისამართზე რეგისტრირებულ პირთა რაოდენობის შესახებ ცნობა;
- სამოქალაქო აქტების რეგისტრაციის (ქორწინება, დაბადება და ა.შ.) მოწმობის/სამოქალაქო აქტის რეგისტრაციის შესახებ ცნობის განმეორებით გაცემა;
- ქორწინების დამაბრკოლებელი გარემოებების არარსებობის შესახებ ცნობა.
- მხოლოდ შაბათ დღეს გაიცემა ცნობა ნასამართლობის შესახებ;
იმავე დღეს (დაჩქარების გარეშე) გაიცემა:
· დაბადების, გარდაცვალებისა და განქორწინების სამოქალაქო აქტების პირველადი რეგისტრაციის მოწმობა;
· კვალიფიციური ელექტრონული ხელმოწერის და ავთენტიფიკაციის სერტიფიკატის, პირადობის (ბინადრობის) ელექტრონული მოწმობის კვალიფიციური ელექტრონული ხელმოწერისა და ავთენტიფიკაციის სერტიფიკატებთან ერთად პერსონალური ავთენტიფიკაციის, კვალიფიციური ელექტრონული ხელმოწერის აქტივაციისა და განბლოკვის კოდების განმეორებით გაცემის თაობაზე;
· კვალიფიციური ელექტრონული ხელმოწერის და ავთენტიფიკაციის სერტიფიკატის, კვალიფიციური ელექტრონული ხელმოწერისა და ავთენტიფიკაციის სერტიფიკატებთან ერთად პერსონალური ავთენტიფიკაციის, კვალიფიციური ელექტრონული ხელმოწერის აქტივაციისა და განბლოკვის კოდების, დაინტერესებული პირისათვის გადაცემა დალუქული კონვერტით.
· სამოგზაურო დაზღვევის პოლისი;
· საერთაშორისო სიმ ბარათი;
· კვალიფიციური ელექტრონული შტამპის შექმნის საშუალების (ტოკენი), აქტივაციის მონაცემების (პინკოდების) და პირადობის მოწმობის წამკითხველის გადაცემა.