ეკონომიკურ საქმიანობათა რეესტრში რეგისტრირდება:

• მეწარმეთა და არასამეწარმეო (არაკომერციული) იურიდიული პირების რეესტრში რეგისტრირებულ პირთა (ი/მ, შპს, სს, სპს, კს, რკ, ააიპ, რელიგიური ორგანიზაციები) ეკონომიკურ საქმიანობები;
• გადასახადის გადამხდელები ე/წ ფიზიკური პირები;
• მიკრო მეწარმეები;
• ამხანაგობები;
• საჯარო სამართლის იურიდიული პირები და სხვა.

 მათი იდენტიფიკაცია შესაძლებელი უნდა იყოს შემოსავლების სამსახურის მიერ გადამხდელთა რეესტრში რეგისტრირებული საიდენტიფიკაციო ნომრით, ეს შესაძლებელია იყოს პირადი 11-ნიშნა კოდი ან 9-ნიშნა კოდი.

ეკონომიკურ საქმიანობათა რეესტრში რეგისტრაციისათვის წარმოდგენილ უნდა იქნეს:

• განმცხადებლის პირადობის დამადასტურებელი დოკუმენტი;
• განმცხადებლის უფლებამოსილების დამადასტურებელი დოკუმენტი (იმ შემთხვევაში, თუ განმცხადებელი არ წარმოადგენს დაინტერესებულ პირს);
• უფლებამოსილი პირის განცხადება ეკონომიკური საქმიანობის   რეგისტრაციის შესახებ და საქართველოს სტატისტიკის ეროვნული სამსახურის მიერ დამტკიცებული კლასიფიკატორით გათვალისწინებული ინფორმაცია. (ინფორმაცია ივსება ელექტრონულად საბუთების მიმღები ოპერატორის მიერ.).

ინფორმაციაში უნდა მიეთითოს სარეგისტრაციოდ მოთხოვნილი საქმიანობის კონკრეტული სახე და მონაცემები სუბიექტის საქმიანობის ადგილის/მისამართის შესახებ.

თუმცა დაინტერესებულ პირს თავად შეუძლია წარმოადგინოს მის მიერ ელექტრონული ფორმით წინასწარ მომზადებული და შევსებული ეროვნული კლასიფიკატორი ეკონომიკური საქმიანობის სახეების მითითებით.

საქართველოსეროვნული კლასიფიკატორით გათალისწინებული ინფორმაციის შევსებისას უნდა მიეთითოს:

• სარეგისტრაციოდ მოთხოვნილი საქმიანობის კონკრეტული სახე;
• საქართველოს სტატისტიკის ეროვნული სამსახურის მიერ დამტკიცებული ეროვნული კლასიფიკატორით მინიჭებული შესაბამისი ნომერი (ჯგუფის, კლასისა და ქვეკლასის ნომრის) აღნიშვნით;
• კონკრეტული საქმიანობის ადგილი (მისამართი);

ეკონომიკურ საქმიანობათა რეესტრიდან ამონაწერი მზადდება ეკონომიკურ საქმიანობათა რეესტრისა და მეწარმეთა და არასამეწარმეო (არაკომერციული) იურიდიული პირების რეესტრის საფუძველზე და ასახავს სუბიექტის შესახებ ამ რეესტრებში რეგისტრირებულ, ძალაში მყოფ მონაცემებს. 

კერძოდ:

• საფირმო სახელწოდებას;
• სამართლებრივი ფორმას;
• საიდენტიფიკაციო ნომერს;
• იურიდიული მისამართს;
• გამოყენებული ეკონომიკური საქმიანობის სახეებს, რომელთა მითითებაც ხდება საქართველოს სტატისტიკის ეროვნული სამსახურის მიერ დამტკიცებული კლასიფიკატორის მიხედვით.

სუბიექტი  ვალდებულია საქმიანობის დაწყების, შეწყვეტის ან/და საქმიანობასთან დაკავშირებული ნებისმიერი მონაცემის ცვლილების შემთხვევაში აცნობოს ამის თაობაზე სააგენტოს და წარუდგინოს მას შესაბამისი დოკუმენტი (დოკუმენტები) რეგისტრირებულ მონაცემებში ცვლილების განხორციელების მიზნით.

ეკონომიკური საქმიანობის რეგისტრაცია გაუქმდება, თუ სუბიექტი  მიმართავს სააგენტოს ეკონომიკური საქმიანობის რეგისტრაციის გაუქმების მოთხოვნით.