დოკუმენტის აპოსტილით დამოწმება/ლეგალიზაცია ნიშნავს დოკუმენტებზე არსებული ხელმოწერის ნამდვილობის, ხელმომწერი პირის უფლებამოსილების, ხოლო დოკუმენტის ბეჭდით ან შტამპით დამოწმების შემთხვევაში – მათი ავთენტიკურობის დამოწმებას.  

უცხო ქვეყანაში წარსადგენად საქართველოში გაცემული  ოფიციალური დოკუმენტები საჭიროებს აპოსტილით     დამოწმებას     ან     ლეგალიზაციას,     თუმცა    მინსკის კონვენციის ხელშემკვრელი ქვეყნების შემთხვავში  შესაძლებელია დოკუმენტი  შესაბამის სახელმწიფოში წარდგენილ იქნას დამოწმების გარეშეც.

დოკუმენტის აპოსტილით დამოწმება მარტივი ერთსაფეხურიანი პროცედურაა და გულისხმობს დოკუმენტის გამცემი უწყების გათვალისწინებით,  დოკუმენტის დამოწმებას ერთი-ერთი  შესაბამისი უწყების მიერ: 

• სსიპ სახელმწიფო სერვისების განვიტარების სააგენტო;
• სსიპ მომსახურების სააგენტო;

 აღნიშნული უწყებების მიერ აპოსტილით დამომწებული დოკუმენტებიი პირდაპირ წარედგინება შესაბამისი ქვეყნის უწყებებს.

 დოკუმენტის ლეგალიზაცია სამსაფეხურიანი  პროცედურაა.    

1. პირველი ეტაპის განმახორციელებელი, დოკუმენტის გამცემი უწყების გათვალისწინებით, ორგანებია  ერთ-ერთი აღნიშნული უწყება:

• სსიპ სახელმწიფო სერვისების განვიტარების სააგენტო;
• სსიპ მომსახურების სააგენტო.

2. მეორე ეტაპში მონაწილეობს საგარეო საქმეთა სამინისტროს საკონსულო დეპარტამენტი. 

3. მესამე ეტაპს  ახორციელებს დოკუმენტის მიმღები ქვეყნის დიპლომატიური/საკონსულო დაწესებულება.

შენიშვნა:

• სახელმწიფო სერვისების განვითარების სააგენტო, მის უფლებამოსილებას განკუთვნილი დოკუმენტის დამოწმებისას, თავად ახორციელებს დოკუმენტის გადაგზავნას მეორე ეტაპის განმახორციელებელ (საგარეო საქმეთა სამინისტროში) . შესაბამისად ამ კატეგორიის დოკუმენტების დასამოწმებლად  მოქალაქეს   დოკუმენტის   ლეგალიზაციის  მოთხოვნის წარდგენა შეუძლია იუსტიციის სახლის ნებისმიერ ფილიალში. 
• ლეგალიზებული დოკუმენტი შესაძლებელია გამოყენებულ იქნას მხოლოდ იმ ქვეყანაში, რომლის საკონსულო დაწესებულებამაც განახორციელა ლეგალიზაციის მე–3 ეტაპი.

„სამოქალაქო, საოჯახო და სისხლის სამართლის საქმეებზე სამართლებრივი დახმარებისა და სამართლებრივი ურთიერთობების შესახებ“ 1993 წლის მინსკის კონვენციის შესაბამისად პოსტილით დამოწმებას ან ლეგალიზაციას არ საჭიროებს დოკუმენტი თუ ის უნდა წარვადგინოთ შემდეგ  ქვეყნებში:

1. აზერბაიჯანი;    7. ტაჯიკეთი;

2. ბელარუსი;       8. უზბეკეთი;

3. თურქმენეთი;    9. უკრაინა;

4. მოლდოვა;       10. ყაზახეთი;

5. რუსეთი;          11. ყირგიზეთი;

6. სომხეთი;         12. საქართველო

• საქართველოს შინაგან საქმეთა სამინისტრო - სსიპ მომსახურების სააგენტო ამოწმებს მომსახურების სააგენტოს  მიერ   გაცემულ  დოკუმენტებს (ცნობა ნასამართლეობის შესახებ, ცნობა მართვის მოწმობაზე და სხვ.)

• სახელმწიფო სერვისების განვითარების სააგენტო ამოწმებს ყველა  იმ  ოფიციალურ  დოკუმენტს,  რომლის დამოწმებაც  არ შედის შსს მომსახურების სააგენტოს კომპეტენციაში.

იუსტიციის სახლი აპოსტლით ან ლეგალიზაციით ამოწმებს შემდეგ დოკუმენტებს:

• საქართველოს ადმინისტრაციული    ორგანოების    მიერ    გაცემულ    დოკუმენტებს , მათ შორის საქართველოს განათლებისა და მეცნიერების სამინისტროსა და მის სისტემაში შემავალი ორგანოების მიერ გაცემულ დოკუმენტებს;
• სანოტარო აქტებს, გარდა  სანოტარო  აქტებისა,  რომელიც  ეხება  ასლის  დედანთან სისწორეს და თარჯიმნის ხელმოწერის დამოწმებას;
• სამედიცინო  დაწესებულებების   მიერ   თავიანთი   უფლებამოსილების   ფარგლებში გაცემულ დოკუმენტებს (ჯანმრთელობის ცნობა, სხვ.);
• ადმინისტრაციული ორგანოს მიერ დამოწმებულ ოფიციალური დოკუმენტის ასლს;
• ადმინისტრაციული ორგანოს მიერ განხორციელებულ თარგმანს;

დოკუმენტის აპოსტილით დამოწმების/ლეგალიზაციის თაობაზე მოთხოვნის წარდგენა შეუძლია ნებისმიერ სრულწლოვან პირს.

განაცხადის წარდგენა, სახელმწიფო სერვისების განვითრების სააგნეტოს უფლებამოსილებას განკუთვნილი  დასამოწმებელი  დოკუმენტების თაობაზე,  შესაძლებელია იუსტიციის სახლის ნებისმიერ ფილიალში.

 აპოსტილით ან ლეგალიზაციით დამოწმებას არ ექვემდებარება შემდეგი დოკუმენტები:

• საზღვარგარეთ საქართველოს დიპლომატიური წარმომადგენლობისა და საკონსულო დაწესებულების მიერ გაცემული დოკუმენტები; 
• კერძო სამართლის იურიდიული პირების მიერ გაცემული დოკუმენტები ,გარდა სამედიცინო და საგანმანათლებლო დაწესებულებებისა ; 
• ადმინისტრაციული ორგანოს მიერ გაცემული დოკუმენტები, რომლებიც დაკავშირებულია საბაჟო და კომერციულ ოპერაციებთან;
• პირადობის დამადასტურებელი დოკუმენტი, მისი ასლი და ფოტოპირი, გარდა გამცემი ორგანოს მიერ დამოწმებული საქართველოს მოქალაქის პასპორტის ასლისა;
• სამხედრო ბილეთი;
• სატრანსპორტო საშუალების სარეგისტრაციო დოკუმენტი (ტექნიკური პასპორტი) და მართვის მოწმობა;
• ადმინისტრაციული ორგანოების მიერ გაცემული ქვითრები;
• სანოტარო აქტები – ასლის დედანთან იდენტურობისა და თარჯიმნის ხელმოწერის ნამდვილობის დამოწმება;
• საქართველოს ნორმატიული აქტების სახელმწიფო რეესტრში რეგისტრირებული ნორმატიული აქტები;
• აფხაზეთის ავტონომიური რესპუბლიკისა და ყოფილი სამხრეთ ოსეთის ავტონომიური ოლქის დე ფაქტო ხელისუფლების ორგანოებისა და თანამდებობის
  პირების მიერ გაცემული დოკუმენტები.

სახელმწიფო სერვისების განვითარების სააგენტო ახორციელებს  მხოლოდ მის მერ უცხო ენაზე შესრულებული თარგმანის აპოსტილით დამოწმებას ან ლეგალიზაციას .

დოკუმენტის (გარდა საქართველოს განათლებისა და მეცნიერების სამინისტროსა და მის სისტემაში შემავალი ორგანოების მიერ გაცემული დოკუმენტებისა) აპოსტილით დამოწმება და ამსათანავე (მოქალაქის მოთხოვნის შემთხვევაში) დოკუმენტის  თარგმნა და თარგმანის დამოწმება  ხორციელდება: 

 დოკუმენტის (გარდა საქართველოს განათლებისა და მეცნიერების სამინისტროსა და მის სისტემაში შემავალი ორგანოების მიერ გაცემული დოკუმენტებისა) ლეგალიზაციის დამოწმება და ამსათანავე (მოქალაქის მოთხოვნის შემთხვევაში) დოკუმენტის  თარგმნა და თარგმანის დამოწმება  ხორციელდება: 

 საქართველოს განათლებისა და მეცნიერების სამინისტროსა და მის სისტემაში შემავალი ორგანოების მიერ გაცემული დოკუმენტების დამოწმება ხდება  10 სამუშაო დღის ვადაში  და საფასურია  20 ლარი.

გაითვალისწინეთ!  საქართველოს განათლებისა და მეცნიერების სამინისტროსა და მის სისტემაში შემავალი ორგანოების მიერ გაცემული დოკუმენტების თარგმნა და თარგმანის აპოსტილით დამოწმება ხდება, მხოლოდ თავად დოკუმენტის დამოწმების შემდეგ და აღნიშნული პროცედურა მოიცავს ცალკე ვადას და საფასურს. დოკუმენტის თარგმანთან და თარგმანის დამოწმებასთან მიმართებაში იხილეთ ზემოთ მოცემული ვადები და საფასურები.