საბანკო გარანტიის ძალით ბანკი, სხვა საკრედიტო დაწესებულება ან სადაზღვევო ორგანიზაცია (გარანტი) სხვა პირის (პრინციპალის) თხოვნით კისრულობს ვალდებულებას, რომ წერილობითი მოთხოვნის საფუძველზე პრინციპალის კრედიტორს (ბენეფიციარს) გადაუხდის ნაკისრი ვალდებულების შესაბამის ფულად თანხას.

საბანკო გარანტიაში ცვლილების რეგისტრაცია ნიშნავს უკვე რეგისტრირებულ გარანტიაში ცვლილებების შეტანის შესახებ მონაცემთა აღრიცხვას შესაბამის რეესტრში.

საბანკო გარანტიის რეგისტრაციის საფუძვლად არსებულ დოკუმენტაციაში რაიმე საფუძვლით ცვლილების შეტანის შემთხვევაში.

აღნიშნული სერვისი განკუთვნილია ნებისმიერი პირისთვის, რომელსაც სურს უკვე რეგისტრირებულ საბანკო გარანტიაში ცვლილების შეტანის შესახებ მონაცემთა აღრიცხვა შესაბამის რეესტრში.

საბანკო გარანტიაში ცვლილების რეგისტრაცია ხორციელდება საბანკო გარანტიის წარმოშობის საფუძვლად არსებულ დოკუმენტაციაში ცვლილების განხორციელებისთანავე (ავტომატურად)

თან იქონიეთ შემდეგი დოკუმენტები:

1. განცხადება (ელექტრონული განცხადება ივსება ფრონტ ოფისის ოპერატორის მიერ);
2. პირადობის დამადასტურებელი დოკუმენტი;
3. საბანკო გარანტიის ცვლილების დამადასტურებელი დოკუმენტი
4. მომსახურების საფასურის გადახდის დამადასტურებელი დოკუმენტი

იმ შემთხვევაში თუ სარეგისტრაციო სამსახურს მიმართავს დაინტერესებული პირის წარმომადგენელი, განცხადებას თან უნდა ერთვოდეს სათანადო წესით დამოწმებული  წარმომადგენლობის დამადასტურებელი დოკუმენტი და დაინტერესებული პირის პირადობის დამადასტურებელი დოკუმენტი.      

კონკრეტულ შემთხვევაში შეიძლება დამატებით მოთხოვნილ იქნეს ნებისმიერი დო­კუ­მენტი ან ინფორმაცია, რაც აუცილებელია გადაწ­ყვე­ტი­ლების მისაღებად.

საჯარო რეესტრის ეროვნული სააგენტო  საბანკო გარანტიის რეგისტრაციას ახორციელებს ავტორიზებული პირების (გარაანტიის გამცემი ბანკის) მეშვეობით.

შენიშვნა: როდესაც პრინციპალი არის სახელმწიფო, თვითმმართველი ერთეული ან საქართველოს ეროვნული ბანკი, აღნიშნული მომსახურება ხორციელდება „საჯარო რეესტრის შესახებ" საქართველოს კანონით დადგენილი მომსახურების საფასურის გადახდის გარეშე.