მოძრავი/არამატერიალური ქონებრივის სიკეთის შესახებ ინფორმაცია ასახავს მისი მომზადების მომენტისათვის მოძრავი ნივთის და არამატერიალური ქონებრივი სიკეთის უფლებრივი მდგომარეობის შესახებ ძალაში მყოფ მონაცემებს.

მოძრავი/არამატერიალური ქონებრივის სიკეთის შესახებ ინფორმაციის მომზადება ნიშნავს საჯარო რეესტრის ეროვნული სააგენტოს მიერ კონკრეტულ მოძრავ ნივთსა და არამატერიალურ ქონებრივ სიკეთეზე რეგისტრირებული მონაცემების შესახებ საჯარო ინფორმაციის გაცემას.

მოძრავ ნივთსა და არამატერიალურ ქონებრივ სიკეთესთან დაკავშირებული გარიგებების (ნასყიდობა, გაცვლა, იჯარა, გირავნობა) დადებისას უფლების შემძენი (მაგ. მყიდველი) ინფორმირებული უნდა იყოს აღნიშნული მოძრავი ნივთსა და არამატერიალურ ქონებრივ სიკეთეზე უფლებრივი მდგომარეობის შესახებ.

აღნიშნული სერვისი განკუთვნილია ნებისმიერი პირისთვის, რომელსაც სურს კონკრეტულ მოძრავ ნივთსა და არამატერიალურ ქონებრივ სიკეთეზე არსებული უფლებრივი მდგომარეობის შესახებ ინფორმაციის მიღება.

სარეგისტრაციო წარმოების ვადის ათვლა იწყება განცხადების რეგისტრაციის მომდევნო დღეს და მთავრდება ვადის ბოლო დღის გასვლასთან ერთად. თუ ვადის ბოლო დღე ემთხვევა უქმე ან დასვენების დღეს, მაშინ ვადის ბოლო დღეს წარმოადგენს მომდევნო სამუშაო დღე.

შენიშვნა:  საჯარო დაწესებულების მოთხოვნის შემთხვევაში  აღნიშნული მომსახურება ხორციელდება „საჯარო რეესტრის შესახებ" საქართველოს კანონით დადგენილი მომსახურების საფასურის გადახდის გარეშე.