უძრავ ნივთზე უფლებრივი მდგომარეობის შესახებ ინფორმაცია მზადდება ტექნიკური აღრიცხვის არქივში დაცული მონაცემების საფუძველზე და ასახავს კონკრეტულ უძრავ ნივთზე აღრიცხულ უფლებას, ვალდებულებას, საგადასახადო გირავნობა/იპოთეკას და საჯაროსამართლებრივ შეზღუდვას.

ტექნიკური აღრიცხვის არქივიდან უძრავ ნივთზე უფლებრივი მდგომარეობის შესახებ ინფორმაციის მომზადება ნიშნავს საჯარო რეესტრის ეროვნული სააგენტოს მიერ მასთან არსებული ტექნიკური აღრიცხვის არქივის მონაცემების საფუძველზე კონკრეტულ უძრავ ნივთზე აღრიცხული უფლების, ვალდებულების, საგადასახადო გირავნობა/იპოთეკის და საჯაროსამართლებრივი შეზღუდვის შესახებ ინფორმაციის გაცემას.

ტექნიკური აღრიცხვის არქივიდან უძრავ ნივთზე უფლებრივი მდგომარეობის შესახებ ინფორმაციის მომზადება საჭიროა იმ შემთხვევაში, როდესაც პირს სურს უძრავ ნივთებზე უფლებათა რეესტრში უფლებადაურეგისტრირებელ უძრავ ნივთზე ტექნიკური აღრიცხვის არქივში აღრიცხული მონაცემების შესახებ ინფორმაციის მოპოვება.

აღნიშნული სერვისი განკუთვნილია ნებისმიერი პირისთვის, რომელსაც რაიმე მიზნით სურს ტექნიკური აღრიცხვის არქივში აღრიცხულ კონკრეტულ უძრავ ნივთზე არსებული მონაცემების შესახებ ინფორმაციის მიღება.

ტექნიკური აღრიცხვის არქივიდან უძრავ ნივთზე უფლებრივი მდგომარეობის შესახებ ინფორმაციის მომზადებისათვის მიმართეთ იუსტიციის სახლს ან შესაბამის ტერიტორიულ სამსახურს.

თან იქონიეთ შემდეგი დოკუმენტები:

• განცხადება;
• პირადობის დამადასტურებელი დოკუმენტი;
• მომსახურების საფასურის გადახდის დამადასტურებელი დოკუმენტი (გადახდა შესაძლებელია ადგილზე);

იმ შემთხვევაში თუ სარეგისტრაციო სამსახურს მიმართავს დაინტერესებული პირის წარმომადგენელი, განცხადებას თან უნდა ერთვოდეს სათანადო წესით დამოწმებული  წარმომადგენლობის დამადასტურებელი დოკუმენტი და დაინტერესებული პირის პირადობის დამადასტურებელი დოკუმენტი.