საჯარო რეესტრში რეგისტრირებული მონაცემები და მარეგისტრირებელ ორგანოში დაცული დოკუმენტაცია არის საჯარო და ხელმისაწვდომია გასაცნობად ნებისმიერი პირისათვის, გარდა საქართველოსკანონმდებლობით დადგენილი შემთხვევებისა.

უძრავი ქონების შესახებ ინფორმაცია მზადდება საჯარო რეესტრში არსებული მონაცემების საფუძველზე და ასახავს კონკრეტული უძრავი ნივთის უფლებრივი მდგომარეობის შესახებ ძალაში მყოფ მონაცემებს.

მესაკუთრესა და საკუთრების საგანზე იდენტიფიცირებული უძრავი ქონების მიხედვით ინფორმაციის მომზადება ნიშნავს დაინტერესებული პირის მიერ განცხადებაში მითითებული უძრავი ქონების და მესაკუთრის მიხედვით კონკრეტული უძრავი ნივთის უფლებრივი მდგომარეობის შესახებ საჯარო რეესტრის ეროვნულ სააგენტოში არსებული ინფორმაციის გაცემას.

მესაკუთრესა და საკუთრების საგანზე იდენტიფიცირებული უძრავი ქონების მიხედვით ინფორმაციის მომზადება საჭიროა იმ შემთხვევაში, როდესაც პირი რაიმე მიზნით (მაგ. შესასრულებელი ვალდებულების უზრუნველსაყოფად ქონებაზე საჯაროსამართლებრივი შეზღუდვის დადებისათვის) დაინტერესებულია კონკრეტული პირის საკუთრებაში არსებული უძრავი ქონების შესახებ ინფორმაციით.

აღნიშნული სერვისი განკუთვნილია ნებისმიერი პირისთვის, რომელსაც სურს კონკრეტული პირის საკუთრებაში არსებული კონკრეტული უძრავი ქონების უფლებრივი მდგომარეობის შესახებ ინფორმაციის მომზადება.

მესაკუთრესა და საკუთრების საგანზე იდენტიფიცირებული უძრავი ქონების მიხედვით ინფორმაციის მომზადებისათვის მიმართეთ იუსტიციის სახლს ან შესაბამის ტერიტორიულ სამსახურს.

თან იქონიეთ შემდეგი დოკუმენტები:

1. განცხადება;
2. პირადობის დამადასტურებელი დოკუმენტი;
3. მომსახურების საფასურის გადახდის დამადასტურებელი დოკუმენტი (გადახდა შესაძლებელია ადგილზე);

იმ შემთხვევაში თუ სარეგისტრაციო სამსახურს მიმართავს დაინტერესებული პირის წარმომადგენელი, განცხადებას თან უნდა ერთვოდეს სათანადო წესით დამოწმებული  წარმომადგენლობის დამადასტურებელი დოკუმენტი და დაინტერესებული პირის პირადობის დამადასტურებელი დოკუმენტი.                   

საჯარო რეესტრის ეროვნული სააგენტოს მიერ გაცემული ინფორმაცია ასახავს მხოლოდ მისი მომზადების მომენტისათვის არსებულ მონაცემებს.

კონკრეტულ შემთხვევაში შეიძლება დამატებით მოთხოვნილ იქნეს ნებისმიერი დო­კუ­მენტი ან ინფორმაცია, რაც აუცილებელია გადაწ­ყვე­ტი­ლების მისაღებად.

სარეგისტრაციო წარმოების ვადის ათვლა იწყება განცხადების რეგისტრაციის მომდევნო დღეს და მთავრდება ვადის ბოლო დღის გასვლასთან ერთად. თუ ვადის ბოლო დღე ემთხვევა უქმე ან დასვენების დღეს, მაშინ ვადის ბოლო დღეს წარმოადგენს მომდევნო სამუშაო დღე.

შენიშვნა: საჯარო დაწესებულების მოთხოვნის შემთხვევაში  აღნიშნული მომსახურება ხორციელდება „საჯარო რეესტრის შესახებ" საქართველოს კანონით დადგენილი მომსახურების საფასურის გადახდის გარეშე.