უძრავ ნივთებზე უფლებათა რეესტრში რეგისტრირდება შემდეგი ვალდებულებები:
ა) უძრავ ნივთზე მიბმული ვალდებულება;
ბ)უძრავ ნივთზე უფლების შეზღუდვა.

 უძრავ ნივთზე მიბმული ვალდებულების წარმოშობის რეგისტრაცია არის ამ ვალდებულების  წარმოშობის შესახებ მონაცემთა აღრიცხვა შესაბამის რეესტრში, რეგისტრაციის თაობაზე გადაწყვეტილების მიღებით.

უძრავ ნივთზე მიბმული ვალდებულების წარმოშობის რეგისტრაციისათვის მიმართეთ იუსტიციის სახლს ან შესაბამის ტერიტორიულ სამსახურს.  თან იქონიეთ შემდეგი დოკუმენტები:

1. განცხადება (ელექტრონული განცხადება ივსება საბუთების მიმღები ოპერატორის მიერ);
2. თქვენი პირადობის დამადასტურებელი დოკუმენეტი;
3. ბინათმესაკუთრეთა ამხანაგობის კრების ოქმი შესაბამისი უფლებამოსილების მინიჭების, ბინათმესაკუთრეთა ამხანაგობის წინაშე ამხანაგობის წევრის დავალიანების ოდენობისა და ამ დავალიანების, როგორც უძრავ ნივთზე მიბმული ვალდებულების საჯარო რეესტრში დარეგისტრირებაზე თანხმობის თაობაზე.
4. სარეგისტრაციო მომსახურების საფასურის გადახდის დამადასტურებელი დოკუმენტი (გადახდა შესაძლებელია ადგილზე);

იმ შემთხვევაში თუ თქვენ ხართ დაინტერესებული პირის წარმომადგენელი მაშინ დამატებით წარმოადგინეთ სათანადო წესით დამოწმებული  წარმომადგენლობის დამადასტურებელი დოკუმენტი და თქვენი პირადობის დამადასტურებელი დოკუმენტი.

კონკრეტულ შემთხვევაში შეიძლება დამატებით მოთხოვნილ იქნეს ნებისმიერი დო­კუ­მენტი ან ინფორმაცია, რაც აუცილებელია გადაწ­ყვე­ტი­ლების მისაღებად.

ვადის ათვლა იწყება განცხადების რეგისტრაციის მომდევნო დღეს და მთავრდება ვადის ბოლო დღის გასვლისთანავე. თუ ვადის ბოლო დღე ემთხვევა უქმე ან დასვენების დღეს, ვადის დამთავრების დღედ ჩაითვლება მისი მომდევნო პირველი სამუშაო დღე.