თანამემამულის მოწმობა არის უცხოეთში მცხოვრები თანამემამულის სტატუსის დამადასტურებელი დოკუმენტი. 

თანამემამულის მოწმობის მისაღებად განცხადების წარდგენა შესაძლებელია:

• იუსტიციის სახლის ნებისმიერ ფილიალში;
• სერვისების განვითარების სააგენტოს ნებისმიერ ტერიტორიულ სამსახურში;
•  ელექტრონული ფორმით სააგენტოს ელექტრონულ ვებ-გვერდზე განცხადების განცხადების შევსების გზით.

უცხო სახელმწიფოში მყოფი პირის მიერ ელექტრონული ფორმით განცხადების წარდგენა დასაშვებია, თუ:

თანამემამულის მოწმობის მისაღებად მოთხოვნას წარადგენს :

• სრულწლოვანი, ქმედუნარიანი პირი პირადად;
• არასრულწლოვანი პირის ერთ-ერთი კანონიერი წარომადგენელი;
• მხარდაჭერის მიმღები პირის მხარდამჭერი;
• დაინტერესებული პირის წარმომადგენელი სანოტარო წესით დამოწმებული მინდობილობის საფუძველზე.

შენიშვნა: თანამემამულის მოწმობის თაობაზე განაცხადის წრადგენამდე, დაინტერესებულ პირს (ვის მიმართაც მზადდება დოკუმენტი) მოპოვებული უნდა ჰქონდეს თანამემამულის სტატუსი. 

თანამემამულის მოწმობის მისაღებად დაინტერესებულმა პირმა უნდა წარმოადგინოს:

•  პირადობის დამადასტურებელი დოკუმენტი/პასპორტი;
•  უცხოეთში მცხოვრები თანამემამულის სტატუსის მინიჭების დამადასტურებელი დოკუმენტი;
•  2 (ორი) ფოტოსურათი ზომით 3,5x4,5 სმ დაბეჭდილი და ელექტრონული ფორმით;
• დაბადების მოწმობა- არასრულწლოვანი პირის შემთხვევაში;
• უცხოეთში მცხოვრები თანამემამულის სტატუსის დამადასტურებელი მოწმობის გაცემისათვის მომსახურების საფასურის გადახდის დამადასტურებელი საბანკო დაწესებულების მიერ გაცემული ქვითარი.

გთხოვთ გაითვალისწინოთ !!! 

 ამ წესით გათვალისწინებული დოკუმენტები უფლებამოსილ ორგანოებს უნდა წარედგინოს მატერიალური ფორმით. დოკუმენტების წარმოდგენა აუცილებელი არ არის, თუ საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – სახელმწიფო სერვისების განვითარების სააგენტოს  მონაცემთა ელექტრონული ბაზა შეიცავს შესაბამის დოკუმენტში არსებულ ინფორმაციას.

ასევე აუცილებელია, სხვა სახელმწიფოში გაცემული (დამოწმებული) დოკუმენტები (გარდა პირადობის დამადასტურებელი დოკუმენტებისა) წარდგენილი იქნას სათანადო წესით ლეგალიზაციის ან აპოსტილით დამოწმების შემდეგ, საქართველოს კანონმდებლობით დადგენილი წესით დამოწმებულ თარგმანთან ერთად, თუ საქართველოს საერთაშორისო ხელშეკრულებით ან შეთანხმებით სხვა რამ არ არის გათვალისწინებული.

გამზადებული თანამემამულის მოწმობა გადაეცემა:

• მოწმობის მფლობელ სრულწლოვან, ქმედუნარიან პირს, პირადად;
• არასრულწლოვნის და ზრუნველობის ქვეშ მყოფი პირის კანონიერ წარმომადგენელს;
• მხარდაჭერის მიმღები პირის მხარდამჭერს;
• განცხადებაში მითითებულ ნებისმიერ სრულწლოვან, ქმედუნარიან პირს;
• მესამე პირს,  წარმომადგენლობითი უფლებამოსილების დამადასტურებელი დოკუმენტის საფუძველზე;
• ფოსტის მეშვეობით, განცხადებაში მითითებულ მისამართზე. 

შენიშვნა: საფოსტო მომსახურების ხარჯები ეკისრება დაინტერესებულ პირს.

თანამემამულის მოწმობა გაიცემა შემდეგი მოქმედების ვადით:

• 20 წლამდე ასაკის პირზე 3 წლის ვადით;
• 20-დან 65 წლამდე ასაკის პირზე – 10 წლის ვადით;
• 65 წელზე მეტი ასაკის პირზე – უვადოდ.

მე-10 სამუშაო დღეს – მომსახურების საფასური 65 ლარი;

მე-5 სამუშაო დღეს – მომსახურების საფასური 80 ლარი;

მე-3 სამუშაო დღეს – მომსახურების საფასური 95 ლარი;

მე-2 სამუშაო დღეს – მომსახურების საფასური 105 ლარი ;

იმავე დღეს – მომსახურების საფასური 130 ლარი.